Voci Siciliane

CENTANNI GIUSEPPE CENTANNI GIUSEPPE Pubblicato il 25/04/2016
L` ALIA

L` ALIA

L` ALIA Lu mè paisi,si nun lu sapiti, è fattu piddaveru malamenti ! Addumannati,si nun mi criditi a quarchi dottu storicu sapienti. `Ntà lu milli e seicientuvinti circa, `ncapuli zuocculi d`un viecchiu casdalinu, almenu chissu mi dici la ricerca, un nobil`omu fici un malasenu! A picca a picca,attuarnu addu ddammusu, nascieru casi,staddi e pagghialori, e,`nta lu mienzu,com`era bon`usu, la genti fici un tempiu a lu Signuri. Nun c`era chianu,ma vadduna e timpi e lu paisi pigghià lu viersu d`iddi, vi dicu sulu pi farivi esiempi c`arrinisciu tuttu vaddi e buoddi ! Spuntaru a unu a unu li quartiari, lu rabbatiaddu,lu Chianu e Maccarruni, cu li chianiuoti e cu li matriciari ca si sciarrianu ma vuonnu beni. Pua c`è Puzzu di Mesi e l`Acqualonga Cuozzu di Pippa,Pirnici e Funtanedda, l` unu cu l`autru s`abbrazza ed`agganga anchi si mancia a la stessa maidda. Parru di l`Alia `npruvincia di Palermu, di l`Alia cantu li genti e li cosi, cci vuogghiu tantu beni a cori fermu picchi,bruttu com`è,è lu mè paisi! Cirinè

Alia - Viste 4251 - Commenti 2