Voci Siciliane

CENTANNI GIUSEPPE CENTANNI GIUSEPPE Pubblicato il 27/05/2016
LU ME` PAISI

LU ME` PAISI

la terra unni nasciu è la terra Santa, terra di sangu e antichi patimenti unni la genti è allegra e ridi e canta puru s`è china di dulura stienti! lu me paisi è fattu vaddi e buaddi, è cunturnatu di muntagni e vaddi, chi lu viddanu scassa cu li spaddi e a picca a picca cci lassa la peddi! Na peddi scura comu terracotta, na pedddi fatta a prova di scupetta, na peddi a ogni fatia pruvata e rutta fatta a prova di truanu e di saetta! E`un paisieddu comu cci nn`è tanti, cu genti onesta e quarchui delinquenti cu genti bona e quarchi preputenti, c`è quarchi diavulu e cci sunnu li Santi! La Matri di li Grazi lu pruteggi, l`Alia paisi comu tanti atri, comu lu picuraru ca pruteggi li picureddi pi scantu di li latri! 1979 Cirinè

Alia - Viste 3414 - Commenti 0