Non mi diciti
ca la vita é brutta
quann'é ca chiovi
e c'é lu malutempu
o ca la vita é bedda
si lu suli
riluci 'nta lu celu
senza negghia.
Nte jiorna di bontempu
e malutempu
pinsati sempri
ca 'nsunnannu stati,
pirchì lu tempu scurri
e cangia sempri.
La vita é fatta
di duluri e gioi,
ca jocanu tra d'iddi
senza sensu
e s'accussì non fussi,
'un fussi vita!
Poesia segnalata dalla giuria nel concorso letterario "Premio Natale XXI Edizione" di Tremestieri Etneo. Giuseppe Nasca
|
| On line dal 17/01/2010 - Letta nr.: 324 volte |
Tutto il materiale pubblicato in questo sito è protetto dalle leggi sul copyright
©
It Alia - Tutti i diritti riservati
Webmaster: Enrico TICLI
Cell. 328 82 36 254