Sempri assicutatu di travagliu
Nun ci fu versu ca mi potti arripusari.
Sira e matina appressu a l’aratu
Iurnati sani a métiri e pisàri;
a lu ventu e la furtura
o abbrusciatu di lu suli

Quantu voti
Mi vinni di ittarimi ‘nterra sutta ‘n’arvulu,
ppi muortu;
tantu era granni la stanchizza !

Ora sugnu muortu ppi daveru,
 sugnu sempri ‘nterra stinnicchiatu.
Ma nuddu mi po’ diri:
lagnusu ! cu tantu di chi fari
ti ‘nni stai dduocu
cu li manu mmanu !