Acchianai chiu supra e con gran stupuri
Vitti tanti ruderi c’appartinianu a lu castiddu midiuvali
Anticu e culussali, accuvacciatu supra d’una petra naturali.
Lu pensieri mi turna narratu di millenni,
e quasi mi misi a trimari
pinsannu a li schiavi diddi tempi
ca travagghiavanu pi nenti
carriannu petri e pari di li muli,
pi stu castiddu fabricari.

Orgoglio di li prepotenti
Senza pietà e senza lu cori
Di da supra l’occhi mi sfaviddavanu comu du stiddi
Taliannu tutti li vaddati e li contorni
Chini d’aranci, pira e minnuliddi.

Castronovu vetusta ti chiamanu l’antichi,
ricca si di chiesi siculari,
la chiesa madri è veramente da talari
dedicata a Dio onnipotenti
ca sunnu tre persuni tutti uguali.
Cia tanta arti stu paiseddu
Ca l’antichi a nui ci tramannaru
Catrinovu di tia nasciru omini Santi e pirsunaggi di valuri
Ca stracuddari nun punnu cu li primaveri.

Si fabbricata sutta na montagna
Unni lu suli ti vasa di matina e sira
Ricca di feudi chi producono lu granu
Li to surgenti dannu acquq a li paisi luntanu.
Cia lu cummentu di li cappuccini
Unni cu lu passari di l’anni ci abitare tanti frati santi.

Nino Marchiafava