Cilu era, e nun avia ali
nun era santu e miraculi facia,
ncelu acchianava senza cordi e scali
e senza appidamenti nni scinnia:
era l`amuri lu so capitali
e sta ricchezza a tutti la spartia
Turiddu Crnivali numinatu
e comu Cristi muriu ammazzatu.

Dissi a lu jurnateri: Tu si nnuru
e la terra è vistuta in pompa magna
tu la zappi e ci sudi comu un mulu
e si all`additta siccu na lasagna;
veni la cota e al corpu sicuru
lu patruni li beni s`aggranfagna
e tu chi fusti ogni matina all`antu
grapi la manu ed arricogni chiantu

Dissi: la terra è di cu la travagghia
pigghiati li banneri e li zappuna
e prima ancora chi spuntassi l`arba
ficiru cnchi e scavaruno fussuna
addivintò la terra na tuvagghia
viva, di carni comu na pirsuna,
esutta la russia di li banneri
parsi un giganti ogni jurnateri

la mafia prioparava scupittati
sta liggi non garbava a li patruna
eranu comu li cani arraggiati
cu li denti azziccati nte garruna

figghiu ci dissi cu t`amminazzò?
sugnu to matri non m`ammucciarinenti
Matri, vinni lu jornu e suspirò
A Cristu l`ammazzaru e fu nnuccenti
Figghiu lu cori miu assincupò
ma ci azziccasti tri spati pungenti
Genti ca siti cca, faciiti vuci
la matri si lu vitti mortu ncruci