oh bedda Matri c`a lu munti siti

Oh Bedda Matri c`a lu munti siti

di lu bieddu paisi di Lalia,

fattu di strati tutti in pinnenza,

di Maccarruni a la Funtanedda,

ca quannu la genti nesci di dintra,

milli voti, a Vui si raccumanna,

e quannu Diu rapi li catarratti

e li stratuzzi vadduna addivèntanu

allura siti, pi ` nui Navicella

et Marìs Stella fulgidissima,

e cu voli grazzi e a Vui nun ricurri,

sua desianza vuol volar sanz` ali...

Quannu talìu la to `facci amurusa,

mentri c `addatti a lu Bamminieddu,

ia sbuttu a chianciri di commozzioni

e, nni lu stessu tiempu, di duluri,

picchì pienzu a me` matri Carmela,

c `assà mi manca,e puru a lu munti,

nna Matri c `è chi ghinchi li mancanzi

e `u mi fa sentiri orfanu e sulu,

ca, cu li fìgghi di me ` pa ` e me ` ma `,

cci su ` li frati e suoru di lu munnu

ca ricanùscinu a Vui pi Matri.

Tu si` Matri di tutti e Mammàna,

picchì, si `n `Alisi veni a lu munnu,

a Marcatubiancu, Mèlton, Marrèro,

"Maria!", ti chiamanu, "di Li Grazzi",

"Maria, ven`a dunacci `na manu!... ".

Bedda a lu munti, bedda in pricissioni,

lu du ` di Lugliu di tutti l`anni,

pi omnia saecula saeculorum...

Bedda cu lu mantu e senza mantu,

bedda a Staten Island e a Tickfaw,

unni l`alisi c` all`Alia nun viennu,

Maria di Li Grazzi, ogn `annu, acclàmanu,

fannu lu meeting, vìvinu e mancianu,

cuomu si fussi matri in carne e ossa...

Matri di tutti l`alisi nni la fossa

e di cu ancora si godi lu iuornu,

nni la Globàlia e a lu paisi,

di La Matrici e di Sant` Anna,

ca, cu granni fìri e sintimientu,

nnalu so` latinu, V`addumanna:

"O Matri Bedda di tutti l`alisi,

Maria Sanctissima òmnium gratiàrum,

cuomu putiemu disobbligàrini cu Vui

ca di grazzi nni cupunati

e di veru amuri nni sazziatì?!... ".

DIDACUS

Voce narrante di Rino Concialdi

Foto di Giacomo Cannici