SnowThunderballs Weathers AliaTimes

Radici & Civiltà

DIDACUS DIDACUS Pubblicato il 13/01/2012
<b>SnowThunderballs Weathers AliaTimes<b>

SnowThunderballs Weathers AliaTimes

( Interpretation is the revenge of the
intellect upon art. Even more. It is the
revenge of the intellect upon the world.
To interpret is to impoverish, to deplete
the world – in order to set up a shadow
world of meanings. Susan Montag. )


Di lu Tiempu era figghiu Iuovi anticu,
mentri lu nuostru Ddiu Cci veni Patri,
secunnu quantu, tra l’autri, nni dici,
di la nostra Chiesa un granni patri,
Aurelius, Augustinus, Hipponensis,
nni ‘n’angolinu di l’opera sua:
la ducizza di lu Cori di Gèsu,
ca duna a la curma, ‘un duna rasu,
bianca maiorca, cu lu decàlitru…

Lu Tiempu àvi lu fari di lu Patri,
lu stessu Barbanera nni lu dici,
Patri Indovinu, astronomi alisi,
ca sannu lu Patri e sannu lu Figghiu,
nna lu curtigghiu, nni la Via Diaz,
a Lìlici, nna lu Cuozzu di la chiazza,
nna li vaneddi e nna li larghi streets,
supra fumeri e supra belvederi,
a Puzzu di Mesi, a la Funtanedda,
supra li tetti, nna li suddacchi,
a li Sauchi, a lu Succhecchi,
supra e sutta li storici Archi,
cu lu contribbutu di Grecali
Vientu di Suli, furturi vari…

Nna li stratuna, scarpati, cunetti,
Santa Lena, Aria la ferra,
Ponti di lignu, Ponti di fierru
Rearmici, Intera, Sciarrìa,
fùnnachi, urfi, cubbi, cisterni,
supra burgi, cappuotti, pastrani,
,di artigiani, viddani, burgisi,
nivi, nni miettinu, quantu sapiddu…

Cci fu cu vitti già li nivaluori,
a La Palumma e a Mentimaiuri…

Lu cielu è fermu e nun nni pari l’ura
ca si virìssiru puru a Raggiura.
Du’ trona surdi, senza suprassaltu,
né d’armaluzzi, né di cristiani,
tra ‘na smuvuta e l’autra di braci…

Trona di nivi, dicissi la nanna,
cu lu silenziu-assenzu di lu nannu,
Tiempu di nivi, papà, accunsintissi,
Arii di nivi, mamma cunfirmassi…

Cà, nna lu Munnu, su’, di li chiossà…

Didacus


Viste 9603 - Commenti 0
Iscriviti
ed inizia a pubblicare i tuoi contributi culturali