ALIA MADONNA 2013 AND FOREVER
Quarcunu d’Aci, Belìci, Palumma,
Montimaiuri, Arcia, Riarmici,
nun mi dicissi, ca veru, nun è:
trì su’ li cirtizzi di la nostr’Alia:
la dumanna di la Cifuentes,
pi' lu ius, condendi, a Madrid,
cuntenta idda, cuntenti tutti…
Ca, Alia, àvi, lu meli, e cu veni,
torna arrieri, again and again...
E la Festa bedda, di la Madonna,
omnium, Gratiarum, Maria,
lu Du’ Lugliu, di quannu, Don Pietru,
già vedovu di Donna Francisca,
a malantrinarìa, la Festa fici…
Li primi mascuna si spararu,
a la prim’arba, di lu Iuornu Dui,
duranti la Guerra dei Cent’anni,
la fera, la matina, di la festa…
Di tutti li puosti, nni vinìanu,
nna li parti tra Cravaniu e via Mercato,
Missa Cantata e Pricissioni
E forti mascuna, a la scurata,
da fari trimari, Monti Busambra,
e la Quisquina e Cammarata,
mascunara, Nocita, Picone…
Quali Madonna, allura, cunnucìanu;
Chidda, chi, ora, si trova, a lu munti,
di l’altari maggiuri, di Matrici?...
O, Chidda, inveci, di lu ‘Ratoriu,
ca ‘un sacciu, di li Dui, cu è la cchiù Bedda,
intisa, Madonna di l’8 Settembri?!...
Di ‘n’autra cosa, sugnu, sicuru,
di lu granni Amuri di l’Alisi
pi l’Una e l’Autra di li du’ Madonni…
Puru la Festa, di l’Uottu, Settembri,
ora, prima Duminica, di misi,
all’Alia, a Gibilmanna, a Ciminna,
è un mumientu di granni firvuri,
pi la Matri, chi a ll'arii, cumanna...
Bedda, cu lu mantu e senza mantu.
Didacus