St.Peter’sTerraces’Alia Purpania

Radici & Civiltà

DIDACUS DIDACUS Pubblicato il 25/03/2014
<b>St.Peter’sTerraces’Alia Purpania</b>

St.Peter’sTerraces’Alia Purpania

( R a p R h y t h m )


Cu st’annata, precoci, di st’annu,

da tanti, Franciscana, chiamata,

pi l’influenza di Papa Franciscu,

da cchiù di unu, inveci, salutata,

ennesima vittoria Gesuitica,

sub duce, clarissimo, Ignatio,

ca di un capiddu, quattru, nni facìa,

ac tempora bona et mala,

già, da li tiempi, di la Sorbona,

a Palermu, lu pitòsforu, è sciurutu,

cu dd’oduri, tradituri, di sienzi,

preludiu a la sciuruta di l’aranci,

limiuna, bergamotti, mandarini,

di li iardina di Milli e ‘na notti,

Zisa, Mulara, Mienzu Monreali,

Villa Tasca, Istitutu profilatticu,

di la Conca d’oru, in synopsis,

e criu ca all’Alia, li vigni, su zzappati,

e vi lu dici cu l’àvi, pagati,

attu dovutu, cu st’arrizzulata,

s’ ‘un si vuonnu, li criti, chianghiati

e risduvicati, li purpani,

cu tuttu lu rispiettu, assà, in antìcipu,

rispiettu a la simana, equinoziali

di li following SanGiusippara,

e li favi crisciuti, li vigni ‘mpalati,

cu pali di castagnu, ‘ncatramati

li santi, prièuli, restaurati

quattro traversi di li FF.SS…,


e già, inciciriddati, su li vigni,

di ciciri bianchi, impiccicati,

di li tri confraterniti, locali…

Ntisi diri da ‘n’amicu, esìmiu,

ca puru, all’Alia, cci sunnu, purpani,

di li purpani di Sant’Ignaziu

dotti patri e massari confrati…


Nun parramu di Francescani,

monaci parrini, truzzuari…

Papa Franciscu è unu di chisti,

purpania di Pietru, purpania d’Ignazziu,

purpania, ideali, di l’Assisiàti

ciarracadduta, ‘nciciriddata…

E, ancora, fidili, c’àtu vistu?!...


Aprìli, aspittàti, aspittàti Maiu,

Giugnu, Giugniettu, tuttu iettu

pampini, viticchi, ittuna,

sarmenta, chi pigghianu l’antinna,

diagonali, orizzontali,

luonghi quantu un quartu di tùmminu…,,


Austu, Settembri, Ottobbri,

Alia, Palermu,  Termini Imerese'> Termini Imerese,

sarà, un piaciri, pi tutti, li sienzi,

vìrila, in Web e in Cose di Geo,

abbrazzari lu Munnu e l’ Universu…


Fra’ Diego da Alia


Viste 9081 - Commenti 0
Iscriviti
ed inizia a pubblicare i tuoi contributi culturali