July Alborada Flashback

Radici & Civiltà

GUCCIONE DIEGO GUCCIONE DIEGO Pubblicato il 08/11/2016
July Alborada Flashback

July Alborada Flashback



Di Nord Est arriva la chiarìa,
c`astuta li luci di li stiddi,
cchiù pròssima a Missina c`a Catania,
tra Nebrodi, Mistretta e Madonie.
Un filu, resisti, di luna, mancanti,
all`alba , galanti, sempri cchiù bianca...


Un chiaruri, veni, di Nord Ovest,
tra Grutta di lu monacu e Raggiura,
chi fà percepiri lu fulguri,
di li luminari paisani …

Mentri duna arienzia a lu bestiami,
a Passu di Bamminu, Lorenzinu,
senti, in lontananza, un gran fraguri,
un ìbridu tra truonu ed esplosioni,
chi metti in ansia, armali e cristiani,
puru, si sapitura, anima e cori,
sunnu, di quantu, all`Alia, si pripara,
e, intervallati, autri botti, ancora,
pi cchiu di un`ura, fin`all`aurora
e fin`a a l’acchianata di  lu suli...

A la cuddata, ‘na Santa Barbara
saluta la Madonna di li Grazzi,
ca l`Alisi preserva e li so` arii...

Didacus


Viste 8076 - Commenti 0
Iscriviti
ed inizia a pubblicare i tuoi contributi culturali