AUGUSTALIA CONDOMINIA

Radici & Civiltà

Utilizzando il nostro sito Web, si acconsente all`impiego di cookie in conformià alla nostra Politica sui cookie  Accetta i cookie da questo sito
GUCCIONE DIEGO GUCCIONE DIEGO Pubblicato il 17/07/2017
AUGUSTALIA CONDOMINIA

AUGUSTALIA CONDOMINIA

 


Truth is handsomer than the affectation of love.
( Ralph Waldo Emerson )


Alia, je t’aime, nna lu misi d’Austu,

pi la to’ calurussa nonchalance,

risarcitrici, di li friddizzi

di li festi pasquali e natalizzi...


E li pieri di pira, sdirràmanu,

di quantu su’ carrichi di fruttu,

coscia, putiri, vaccinella,

e di li viti, ammazzatizzi, piènninu,

‘nzolia, zibbibbu e pirrichinu


Alia, me gusti, nna lu misi d’Austu,

bella di notti, bella di iuornu,

sostanziusu, cauliflower,

cu lu picchiu pacchiu, tinnirumi,

gaia, sfiziusa, mistiriusa,

poliglotta, di lingui e dialetti,

da fari smarruggiari li carusi,

rèduci, di luonghi, astinenzi…


Alia, I love you, nna lu misi d’Austu,

quannu l’ova, si cuocinu, a lu suli,

e, si cierchi, ristoru, nni truovi,

a Raggiura, Muntagna, Bacuccu,

Passu di lupu, Passu di Bamminu



Alia, mi piaci, nna lu misi d’Austu,

for mix di sacru e di profanu,

pi la to’ aria trascendentali,

mìstica, radiosa, Ecclesiale,

dulcis in fundo, Comunità



Viste 609 - Commenti 0
Iscriviti
ed inizia a pubblicare i tuoi contributi culturali