L’eventuale pubblicazione di parziali brani musicali allegati a testi scritti è fatta a titolo di Demo, essendo essa finalizzata a documentare la relativa ricerca della rubrica “Radici & civiltà” non avente scopo di lucro, ma, piuttosto, finalità di libera divulgazione culturale. |
`U VIDDANU
( E LA STATUA DI BRUNZU )
Ma comu, a nnuddu ha vinutu di pinsari
di ‘ntistari ‘na via, ‘na chiazza, ‘na trazzera
o di fari a lu viddanu ‘na statua di brunzu,
comu a Garibaldi unni durmì e fici pranzu?
Culuri di la terra s’ava fari:
comu di la so’ peddi
tinuta a lu suli ed a lu friddu
ed a tutti li mali ‘ntimperi.
Dura comu ramu e stagnu fusu:
pì comu fu lu so’ travagghiu.
Chi pena ca facia di carusu…
a vidilu già capu famigghia !
Pì miritarla, a nuddu è di menu
né a lu Militi Ignotu o a l’Alpinu;
pì saggizza era comu Salamuni
senza aviri studiatu grecu e latinu.
Di sintimentu, bonu cristianu:
‘n pricissioni misu ‘n prima fila
cu’ tantu di torcia e mantillina viola
ed, a Natali e Pasqua, Missa e Cumunioni.
Si dava la parola, era un attu
appruvatu cu’ du’ manu stritti
e, si nu’ mantinia l’impegnu,
vinia adduvicatu di vrigogna.
Campiuni, ad esempiu, di travagghiu
e di sparagnu pì la robba,
pì riscattari tutta la famigghia
da barunie, cavalirati e principi di Saba.
‘U viddanu è statu eroi, no’ pì casu,
pirchì cc’ha vissutu, ed è veru,
cu’ tanta malavita e s’è spisu
pì la nostra terra cu’ tant’amuri.
N’ avutu cura e, tantu l’ha vuluta
pì finu ca, cu’ dura lotta, l’ha strappata
a lu riccu priputenti ca nn’avia tanta
e, lu tinìa a dijuni e tra li stenti.
La spitrò cu’ nuda e forti manu,
tagghiò li spini, nni bruciò la gramigna,
chiantò, cu’ tantu amuri, ‘na vigna
e siminò, pì la prima vota, lu so’ tirrenu !
Ci travagghiò ad asuppaviddanu,
a lu friddu cu rietina a li manu
a jttari, a surcu, senza pipitari,
la simenta, a pugni, finu a scurari.
Turnannu ‘n casa, ad uri di strata,
mulu ed iddu sutta ‘na ‘ncirata…
ed annacatu, supra di la sedda,
s’addurmiscia comu un picciriddu.
‘U suli e li stiddi, lu so’ rogiu,
la luna china, comu ‘na lampara
pì metiri a lu friscu e carriari,
a la chiarìa, li gregni, senza rimiegiu.
All’occhiu di lu suli, mentri stiddìa,
uomini e, armali livati a la campìa,
tutti dintra l’aria, a pisari;
a la tramuntana, ancora dintra, a spagghiari.
E tanti voti, malatu di malaria,
cu’ duluri di testa e di carina,
cu’ frevi e l’occhi russi, ad attizzari l’aria
curatu sulamenti di chininu.
Quanti viddani caduti di cavaddu
e vittimi di cauci, mentri sedda,
e tanti ci rimisiru la peddi
pì manu di la nostra malastidda .
Ha datu, sempri, da mangiari
cu’ furmiantu, ca dà bona farina,
da viviri ginirusu vinu, pì brindari,
di muscatieddu, catarrattu e pirricuni.
Zappuni, voli diri, pì mia, viddanu,
comu, pì mulu, vaiu a lu stissu nomi ;
l’haju vistu tutti dui sempri ‘nsemi,
comu, ‘nto calendariu, Cosma e Damianu.
Cumpagnu, macari, sutta lu tettu,
comu du’ amanti, fora di lu lettu,
ca l’unu di l’atru ha avutu di bisugnu
di darisi ‘na manu di sustegnu.
Eroi, macari, pirchì la Granni Guerra fici,
cu’ l’Austri/ Tedeschi so’ nemici,
supra lu Carsu, ‘nta li trinceri di lu munti San Micheli:
comu carni d macellu, ‘mprima fila.
Da ‘stu monumentu, tantu miritatu,
fattu cu la petra misa di latu,
nu’ ponnu mancari li cumpagni di ‘na vita:
lu zappuni a la spadda e, lu mulu a lu latu !
Tuttu chistu ed atru ancora …
nun vi basta, pi comu a li Santi,
a fari a lu Viddanu un monumentu
e di ‘ntistari la chiazza o la trazzera ?
Prima ancora di l’atri…,
la civiltà fu cuntadina,
addumannalu a to’ patri…
ca, macari, iddu… cc’ apparteni !
Gioacchino Todaro
Iscriviti
ed inizia a pubblicare i tuoi contributi culturali
TODARO GIOACCHINO
28/01/2020
CHI RICCHIZZA !!
TODARO GIOACCHINO
23/03/2018
L`AFFIDO
DI NATALE ANGELO
28/02/2010
LA PRICISSIONI
TODARO GIOACCHINO
03/04/2020
`NA LIRA
TODARO GIOACCHINO
13/04/2018
POESIA
TODARO GIOACCHINO
22/05/2018
GLI ANNI
RUNFOLA ITALO
12/05/2008
DI PRIMA MATINA
TODARO GIOACCHINO
27/06/2018
SIRINATA D`AMURI
MINNUTO PINO
20/07/2008
SESSANT`ANNI
TODARO GIOACCHINO
09/04/2018
IL CARDELLINO
TODARO FILIPPO
09/02/2021
MYSTERION HIMERA (+ IT.VERSIONE)
TODARO GIOACCHINO
28/06/2018
NU` MI MANCA NENTI...!
TODARO GIOACCHINO
03/04/2020
MATRI NATURA
TODARO GIOACCHINO
09/04/2018
LU RITRATTU
RUNFOLA GIOACCHINO
16/04/2006
MARIA ERMENELGILDA FUXA
TODARO GIOACCHINO
20/03/2018
CHI MI NNI FAZZU?
TODARO GIOACCHINO
22/03/2018
L`INSONNIA
TODARO GIOACCHINO
12/02/2020
SONA LA VIRMARIA
TODARO GIOACCHINO
07/04/2020
A GESÙ BAMMINU