L’eventuale pubblicazione di parziali brani musicali allegati a testi scritti è fatta a titolo di Demo, essendo essa finalizzata a documentare la relativa ricerca della rubrica “Radici & civiltà” non avente scopo di lucro, ma, piuttosto, finalità di libera divulgazione culturale. |
Signiruzzu, chiuviti, chiuviti..
Era di ‘mmiernu, ed ancora carusu,
‘u cielu parìa comu fussi chiusu :
mai ‘na negghia, mancu ‘na muffurata
ppi dari rifrigeriu a lu Criatu.
‘U suli, comu fussi ‘u patruni;
la terra, arsa, jittava vuci e vrami
e ‘u lauri, chiancìa ppi la siti
di li radici sua, quasi appassuti .
‘U viddanu nu’ è ca fussi sulu,
a stari sempri cu’ l’occhi a lu cielu,
a prijari, cu’ li vrazza allargati,
picchì vinissi l’acqua suspirata !
Si scinnieru li Santi di l’Artari,
ppì prijari a Diu di fari chiuvìri,
e tutti misi ‘n fila, ad unu ad unu,
ppì lu paìsi jieru ‘n pricissioni.
‘U Crucifissu, com’è giustu, primu,
l’Addulurata Matri, assai vicinu,
San Giuseppi, ‘u Patri Pruvvidenti,
cu’ Santa Rusulia, un po’ distanti.
‘I fimmIni, cu’ ‘n testa lu sciallinu,
‘i masculi, cu’ li cannili ‘n manu,
tutti a prijari, cu’ pia divuzioni,
ppì la durata di la pricissionini :
” Signuruzzu, chiuviti chiuviti
i laureddi su’ morti di siti.
E si Vui l’acqua nu’ ci la mannati
siemu tutti poviri e scunsulati
e si Vui l’acqua cci la mannati
siemu tutti ricchi e cunsulati.
Deh Matri, ppì to’ Figghiu Addulurata,
saziati la terra tutta cripata.
Deh ! Acqua vuliemu, pani vuliemu
e cu’ tuttu lu cori li ‘nvucamu!
San Giusippuzzu, mannatini tanta
d’inchiri puzzi e surgenti vacanti.
Santa Rusulia, mannatila bona
senza lampiari e luntana di trona.
Tutti a lu Cielu ‘livamu li mani :
Datici l’acqua ca tantu disiamu!
Acqua vuliemu, duranti la notti
grapiti, d’u cielu, ‘i catarratti. “
Turnati li Santi, d’intra li Chiesi:
missi, rusari cu’ voti purmisi.
Sunnu scantati di ‘na mal’annata,
di fari ‘u pitittu, e, ppì ‘na vota,
di nu’ putiri inchiri ‘i cannizzi
e di ‘ncuminciari a nu’fari sfrazzi.
Duoppu tri jiorna , cadìu acqua abbunnanti:
dissiru grazii a Diu e tutti li Santi.
L’annata fu ricca ; favi e furmientu,
ppì sciogghiri i voti, nni diettiru tantu .
E’ vera fidi ca movi ogni cosa,
no’ lignu di Cruci tinutu appisu !
Gioacchino Todaro
GUCCIONE ROMUALDO
10/03/2020
la foto, risalente agli anni `30, è di mio padre Attilio, appassionato fotografo.
Iscriviti
ed inizia a pubblicare i tuoi contributi culturali
TODARO GIOACCHINO
12/02/2020
SONA LA VIRMARIA
TODARO GIOACCHINO
09/04/2018
SOGNARE
GUCCIONE ROMUALDO
01/05/2016
TALIU E PENZU
MINNUTO PINO
20/07/2008
SESSANT`ANNI
RUNFOLA ITALO
18/06/2008
L'ARIA DI LU ME' PAISI
TODARO GIOACCHINO
20/03/2018
SCIURI AD AGUSTU
TODARO GIOACCHINO
22/03/2018
L`AMICU VERU
TODARO GIOACCHINO
27/06/2018
SIRINATA D`AMURI
TODARO GIOACCHINO
09/04/2018
IL CARDELLINO
RUNFOLA ITALO
12/05/2008
DI PRIMA MATINA
TODARO GIOACCHINO
28/03/2018
LU CRISCENTI
TODARO GIOACCHINO
28/06/2018
LA PUDDARA
TODARO GIOACCHINO
28/06/2018
NU` MI MANCA NENTI...!
TODARO GIOACCHINO
17/04/2018
LU TRAVAGGHIU
TODARO GIOACCHINO
23/03/2018
CHI MALUCCORI
RUNFOLA GIOACCHINO
16/04/2006
MARIA ERMENELGILDA FUXA
TODARO GIOACCHINO
03/04/2020
MATRI NATURA