L'aria di lu me' paisi

SICILIA Foto, notizie, cultura e tradizioni

- Ultimi utenti iscritti
- Iscriviti gratuitamente
- Pubblicazioni recenti
- Vedi tutte
- Commenti

Radici & Civiltà

RUNFOLA ITALO Pubblicato il 18/06/2008

<b>L'aria di lu me' paisi</b>

L'aria di lu me' paisi

L'aria di lu me' paisi

Mi piaci l'aria di lu mè paisi,

ca è frisca e prufumata di ginestra;

mi piaci lu culùri di li casi,

c'ammustranu li grasti a la finestra!

Mi piaci caminari pi li strati

sìanu pinnini e sìanu muntati,

sìanu 'ncuticchiati o abbalatàti,

cunsunti di lu tiempu o ammudirnati!

Mi piàcinu li vuci di li mastri,

li ficu ad'asciucàri 'nta li gghistri,

di li muntagni li macchi d' alastri,

e li troffi aggiuvittati di l'agghiastri!

Mi piaci chiacchiàriari c'un scarparu,

lu suonu di la 'ncunia d'un firraru,

lu sciàvuru di pani d'un furnaru,

lu lientu cantu di lu picuraru!

Mi piàcinu li tetti di li casi,

li vicchiarieddi chi filanu li fusi,

lu sciàvuru di 'ncienzu di li chiesi,

mi piaci l'aria di lu mè paisi!

Cirinè, 1979

Viste 6591 - Commenti 0