Lu cunsigliu di na matri a lu figliu
Figliu miu lauriatu
to matri ti voli debutatu
pi arricchire l'apparintatu.
Figliu miu nun guardare a destra e manca
nè comu la tizio furrìa l'anca
pensa sulu a la to branca.
Figliu miu nun pinsari ad avutru
pensa a li grana e a San Petru
ca avi li chiavi di lu paradisu.
Figliu miu lauriatu
ti cci viu debutatu
na carrera lesta e bona
senza lampi e senza trona.
Si necessita lu culuri
nun pigliarlo cu amuri siddu è russo o bianco sciuri cuntanu sulu li dinari. Cori miu spacunciratu ticci a fari debutatu cu sta bedda democrazia la politica è simpatia lu travaglio è camurrìa. Quannu acchiani a ddu liveddu ti diranno:quantu è beddu! E ti cercano cani e gatti vinci tu a conti fatti. Figliu miu simpatico e beddu nun ristare puvureddu puru to patri ch'è disoccupato iddu ti voli debutatu. Figliu miu caro e diletto nun lu perdere stu prugettu. _______________________________________ (tratto dal periodico dell'Associazione socio-culturale “Cartastampata” - giugno 09 – di Lercara Friddi'>Lercara Friddi)
Elena di Montescuro
