Voci Siciliane

TICLI ENRICO TICLI ENRICO Pubblicato il 04/08/2016
To my brother Manìa

To my brother Manìa

C’è nu tiziu ca lu chiamu Manìa

ca ci piaci pigghjarisilla cu mia

tassi e bulletti ci mannanu di pajari

e cu mia minnitta vulissi fari!

 

Ma chi voli di mia? Chi ci puozzu fari?

Magari avissi putìri di nun lu fari pajari!

Ma iddu nsisti e voli ragiuni

la curpa è la mia e di lu comuni!

 

Pinsava, na vota, ca avìa li so boni ragiuni

ma lassallu fari divintau un turmintuni

notti e ghiurnu sempri la stissa sunata,

uffisi pi tutti si nun facieanu la so stissa pinsata.

 

Ma caru Manìa la to battagghia nun la vinci offinnieddu a mia

o pigghiannu di piettu tutti chiddi ca vidi pì la via!!

Quannu l’omu è priputenti, offensivo e pocu cumprindenti

nun po’ aspirari d’essiri apprizzatu di la genti.

 

Ma certi cosi, pirdunami l’arruganza,

i fannu l’omini ca criscinu n’virtù ,no solu di panza!

Ca criscìnu cu l’anni e cu lu sintimentu

e a stu munnu luordu forsi levanu un turmientu.

 

Comu haiu fatti nta tutti st’anni,

ca ti l’ha pigghiatu cu mia comu si fussi ia la causa di li tò malanni,

di tutti li to uffisi pi littra e pi parratu,

ti dicu “…a cu sputa n’cielu n’facci c’ha turnatu!!”

 

Ora si ti piaci continua a sbraitari e offenniri la genti

ma sappilu chistu nun ti fa ne scartu, ne omu, ne ntelligenti!.

A chiddi comu a tia miegghiu lassalli sbattiri cu la so manìa

e scrivici nà poesia comu ia ora fici a tià!

Alia - Viste 2941 - Commenti 5