Pubblica

Voci Siciliane

IT ALIA REDAZIONE IT ALIA REDAZIONE Pubblicato il 27/11/2016
Li vutazioni e lu canciamientu

Li vutazioni e lu canciamientu

Nun capisciu comu fannu li pirsuni

a  fidarisi di certa genti e di li so ragiunamenti

affidannucci cu gran cunvincimentu

lo propriu  pinsieru e lu propriu  sintimientu.

 

Cu la ucca china di paroli

mantiniennu compensi e posizioni

nni rivelanu verità a iddi convenienti

pi pigghiarini pi minchia e lassari cuntenti.

 

Pua si canzianu, quannu hannu da aiutari

lu popolo tuttu e la povera genti,

pirchi nun canuscinu quali sunnu li  bisogni

e quantu  su li patimenti.

 

Nni fannu sciarriari quannu arriva lu mumentu

 rimballannusi i problemi e sollecitannu lu canciamentu  

pua, cu aria di Messia e lu Signuri nominannu

fannu la paci e nsemmula all`ingrassu vannu.

 

Allura  t`addumanni  "cosa c`è da fari?"

senza la pulitica "si sapi" nun si pò canciari

Ma lu veru canciamientu su li votazioni?

é partigiari pi Renzi o pi Silviu Berlusconi?

 

 Lu veru canciamientu è d`avanti a u sacramentu

a ddu Cristu ca diciemu d`amari cu cunvincimientu

ca cci faciemu prumissi eterni, d`amuri e fedeltà,

ma chi circamu sulu quannu c`è occhi cosa chi nun và.

 

A ddu Cristu chi chianci adduluratu,

pi st`omu disonestu e sciaguratu.

Ca nun cancia lu cori, ma sulu la bannera

e la svintulia comu fussi parola vera.

 

Allura, faciemula veramenti nna bella vutazioni

un canciamentu veru e senza condizioni

Tutti a taliari li cosi cu lu cori a lu Sacramientu

no cu l`uocchi a la bannera e a lu sò svintuliamientu.

 

 

Autore ignoto

Si ringrazia un AMICO per averla rivista e corretta

Alia - Viste 995 - Commenti 0
Iscriviti
ed inizia a pubblicare i tuoi post