Voci Siciliane

BIONDO GIUSEPPE BIONDO GIUSEPPE Pubblicato il 03/11/2017
Certi mumenta

Certi mumenta

Certi mumenta Certi mumenta Vulissi ca lu tempu si firmassi o ca rallintassi pi putiri contemplari, affascinatu, la magnificenza, la perfezioni e li biddizzi di la natura. Lu profumu di un ciuri appena sbucciatu. Lu chiantu di un neonatu, fruttu di l’amuri tra un omu e na donna. L’arba e lu tramontu, lu mari e lu celu, la notti e lu iornu, lu beni e lu mali, la vita e la morti. Tuttu incredibilmenti e magnificamenti perfettu e ca sulu Diu potti criari. Si quarcunu pensa ca Diu nun esisti, o è in malafedi o nun capisci nenti. Ci sunnu avutri mumenta Ca vulissi ca lu tempu passassi veloci comu un lampu pi cancellari lu mali di lu munnu. Spissu fantastichiu cu la menti e pensu Si putissi nasciri natra vota… Mi piacissisi nasciri nta la Palestina all’epoca di Gesù Cristu. Vulissi taliari nta l’occhi e parrari cu st’omu ca si fici ammazzari nta la cruci pridicannu l’amuri e lu pirdunu. Ci dicissi: cu ti lu fici fari. Nun fusti ascutatu. Talia chiddu chi succedi nta lu munnu. Guerri, sopprusi, prepotenzi. Omicidi, stupri. Violenzi supra li picciriddi e supra li fimmini. Su tutti opiri di lu diavulu ca è nfilatu unni e gghiè. Talia chiddu chi succedi nta la chiesa. Parrini ca quannu dicinu missa priaricanu l’amuri e la fratillanza e poi, nta la stissa chiesa adescanu e violentanu picciriddi profanannu chidda ca iddi chiamanu la chiesa di Diu. Lu sannu lu mali chi fannu? Quali trauma psicologicu creanu a li picciriddi? Criscinu scantati e complessati, incapaci di superari l’ ostacoli. La loru vita sarà china di complessi drammaticamenti insuperabili. Nun si lu scordanu cchiu pi tutta la vita. Puru iddi su degni di pirdunu? Bastardi schifusi senza onuri e senza dignità. Su peggiu di li criminali. E chi diri di li tribunali d’inquisizioni. Abbrusciavanu nta li chiazzi li pirsuni ca ci facianu mpacciu accusannuli di stregoneria. Pi nun parrari di l’indulgenzi. Cu la scusa di la salvizza di l’anima dietro pagamentu di denaru, cunsumavanu li puvurieddi livannucci nu picca c’avianu. Nefandezze perpetrate in nome di Dio. Chistu e lu munnu chi criasti? Lu sacciu ca a mia nun mi è lecitu sapiri. Cu sugnu iu p’addumannariti sti cosi. La vita di li miseri mortali è un battitu di ciglia, un sciusciuni di ventu ca passa e si nni va. Pi tia lu tempu nun esisti. Chiddi ca nta la terra sunnu seculi Pi tia sunnu attimi. Macari c’è un progettu divinu pi sconfiggeri lu mali ca l’omu nun po canusciri. Prima di acchianari nta lu celu Nni lassasti un comandamento importantissimu, nni dicisti: amatevi come io vi ho amato. Stu grannissimu insegnamentu l’omu nun l’ha mai rispettatu. Giuseppe Biondo

Alia - Viste 2542 - Commenti 0