Poesie Siciliane

NASCA GIUSEPPE NASCA GIUSEPPE Pubblicata il 22/10/2010

E` D`ACCUSSI` LA VITA

Non mi diciti
ca la vita é brutta
quann`é ca chiovi
e c`é lu malutempu
o ca la vita é bedda
si lu suli
riluci `nta lu celu
senza negghia.
Nte jiorna di bontempu
e malutempu
pinsati sempri
ca `nsunnannu stati,
pirchì lu tempu scurri
e cangia sempri.
La vita é fatta
di duluri e gioi,
ca jocanu tra d`iddi
senza sensu
e s`accussì non fussi,
`un fussi vita!


Poesia segnalata dalla giuria nel concorso letterario "Premio Natale XXI Edizione" di Tremestieri Etneo.

Letture 1862 - Commenti 0
Pubblica le tue poesie
Vuoi pubblicare le tue poesie?
Inviacele al seguente indirizzo di posta elettronica : assarca2001@gmail.com