AliasAutumnalBorderlines

Radici & Civiltà

Nuovo Regolamento Europeo per la protezione dei dati personali: aggiornamento informativa. Leggi Regolamento Utilizzando il nostro sito Web, si acconsente all`impiego di cookie in conformità alla nostra Politica sui cookie  Accetta i cookie da questo sito
DIDACUS DIDACUS Pubblicato il 10/10/2011
<b>AliasAutumnalBorderlines</b>

AliasAutumnalBorderlines


Quantu, amurusi, siti, o burdullini,
rosi di macchia, ruvetta spinusi,
e vi lu dici, puru, Wordsworth,
Coleridge, with love
, vi lu dici,
Monti, Carducci, Pascoli, Prati,
ca, in autunnu, ucchiati, pi li bordi
di viola, vaneddi e scarpati,
c’ a nna banna o all’autra nni cunnùcinu,
pi lu piaciri o pi nicissitati…

Iennu a la Bbrivatura di lu vuoscu,
pi Vasca, Craparedda e Tribbunedda,
Frana, Laghetti e Sancisuchi,
Pipituni
, a destra, Burduni, a manca,
Busàmmara, Raggiura, San Caloriu,
Bonfornellu e l’isole Eolie
,
pi ucca, mirudda, gola, uocchi,
sta passeggiata vi la cunsigghiassi,
lu miegghiu specialista, si ‘na vota,
‘nni la so’ vita, fatta, si l’avissi…

Procedamus in pace, iamunìnni,
tra ficurini sanguigni e sparacogni
e burdullini, nna li borderlines,
ficu d’asciucari e natalisi,
e un sacciu picchì, di n’autru cantu,
si Verbum Caro…, mi veni di cantari…

Forsi picchì, si sbagliu, me corrìgite,
cuomu sciumi e sciumari, a mari scinninu,
tutti li strati, a Roma, si nni vannu,
to Charing Cross, àvenues, roads,
nni la pinnina, all saints, aiùtanu,
muschi, uscigghi, inestri, alastri,
regii trazzeri e strati cunsulari,
gigghiati, scarpati, pinnini, rampanti,
surchi,vadduna, valinci, canali,
testa e curata, vannu, a lu Natali

Didacus


Viste 2674 - Commenti 0
Iscriviti
ed inizia a pubblicare i tuoi contributi culturali