ItAlia Immutanda Examina

Visita il nuovo store di vendita online di prodotti agroalimentari siciliani www.sicilymart.com

Radici & Civiltà

DIDACUS DIDACUS Pubblicato il 06/07/2013
<b>ItAlia Immutanda Examina</b>

ItAlia Immutanda Examina

A poem need not have a meaning and like most

things in nature often does not have.
Wallace Stevens


Quali cicali di Santu Miniatu,

chi nni misi, nni la capa, lu Carducci,

di Santa Cruci, di Santu Donatu,

e l’Arnu, li pieri, nn’arrifrisca!...


Ccà, li carcarazzi, di Urfa,

Grutti, Gruttazzi, Santa Caterina
,

cu lu crà crà, squétanu, li cuvi,

e cu li iatti, si la scummiéttinu,

pi fùttirisi, l’ova, di l’ovìpari,

imperturbabili, li colombacci:

Ca, si, ccà, scansi, un cuorpu, ti pigghi,

ca ala e beccu, nui, puru, l’aviemu,

e aviemu puru a Francu Bbattiato...


Chi v’ingignati di speculari,

sull’imminenza del lieto evento?!...


O Gesuzzu, Gesuzzu, Gesuzzu…


Cu ‘e libbre sott’o vraccio e ‘a camicetta…


Lu smartphone, chi pàpeta, ti detti…


Mentri lu Tuortu, l’acqua, ‘un lu vagna,

e lu vientu, ‘un l’asciuca, mancanza,

e, fermi, su’, di Lànnaru e Sciaccazzi

,li màcini, chi gìranu, cu l’acqua,

macinannu, furmientu, comu l’oru…


Lu sciumi è asciuttu, e li riservi, puru,

e biancu è lu Villaggiu, preistoricu,

ginirusu, di petri e ciacuddi,

padduòttuli, marvizzi, giacaluna,

lu lupunariu, nna li pleniluni…


E siemu iunti, appena, a lu Solstiziu!…


Si pi’ gghiri a lu Lànnaru o a Sciaccazzi

o a Castrunovu o a Santu Giuvanni,

ancora sei misi, s’aviss’ aspittari,

secunnu Giuseppe di Lampedusa,

‘un sacciu, propia, chi s’aviss’a fari…


Menu mali ca c’è Treccani,

giornali on line, materiali cartaceo,

Mulinu Biancu, Poiatti, ….


Scusàtimi, Alisi, l’anacronìsimi

Anachronisms, I apologize…


Didacus


Viste 1448 - Commenti 0
Iscriviti
ed inizia a pubblicare i tuoi contributi culturali