PURTEDDA DI CARCARA AROUND SOLSTICES
Purtedda di Carcara around solstices,
prima di la performance solari,
viniennu di Lalia, pi strata di Sciuri,
in fuoristrada o diligenza,
fermati un pocu a la confluenza
cu l’antica trazzera arcureale
e affacciati a la Purteda di Carcara,
pi salutari, vicini e luntani,
l’amici chi, lu cori, ricanusci,
di destra, di centru, di manca,
pi almenu centottanta e rutti gradi:
Pista di lanciu, Eoliche Pale,
Rearmici, Suprana, Sciarria,
Sonde di petroliu, Coscascinu,
Listi, Cavaru, Caltavuturu,
Sclafani, Scillatu, Collesanu,
e lu cchiù bieddu di tutti, Mungibieddu,
picchì l’altizza è menza biddizza,
a parti l’autri nobbili attributi…
E mentri ti guodi la bella vista
e chiami pi’ nomu a chiddi chi viri,
ormai quasi tutti li canusci,
d’unni è cchiù splendenti l’aurora,
Nebrodi, Madonie, si summer solstice,
lu suli ti fa viriri la frunti
e pua l’uocchi e pua tutta la facci,
ffacci di pala, facci di biddazzu,
chi lassa lu iazzu la matina,
di unu di li munti d’Appenninu,
digna, of course, of Facebook pictures;
e si ‘un à’ primura, atavica, pressure,
accetta li favura di lu suli,
pi almenu menz’ura di lu iuornu.
o satiru, o ninfa o calimanu…
