L`8 MARZO
Chista si ch’è ‘na conquista
pì li tanti fimmineddi
e pì chistu fannu festa:
suli suli senza d’iddi.
Ora a tutti sunnu pari
e di tanti sunnu megghi
e nun vonnu suttastari
d’addivari sulu figghi.
Sunnu stanchi a stari ‘ncasa
a cummattiri cu tutti,
ora vonnu d’ogni cosa
cù lu pari de’ diritti.
Nun c’è nenti ca li teni
da ‘sta giusta parità:
‘ntà li navi, caputreni
e a tant’atri attività.
La divisa è lu so’ forti.
A stelletti ed alamari
or ci fannu tanta corti;
nun li lassanu scappari.
Ci n’è tanti ca su sbirri
o partiti pì lu frunti,
ci n’è puru ‘ntà li carri
a pigghiari li briganti.
Nun c’è cosa ca li scugna
si su’ misi a lu cumannu
e ‘stu fattu a tutti ‘nsigna:
d’accussì ca va lu munnu!
Sunnu sempri tantu ‘nfuschi
cu’ lu coddu tisu e trantu,
tutti l’atri sunnu muschi
ca nun hannu nuddu cuntu.
Or pì chistu novu eventu
c’è ‘na nova propensione :
sia d’assenze pì lietu eventu
ca pì lunga gestazione.
Ora a tutti suggiriscu,
a li beddi masculiddi:
“ nun mittitivi a ‘ lu friscu
p’un finiri sutta d’iddi”
________________________________________
di Gioacchino Todaro
Iscriviti
ed inizia a pubblicare i tuoi contributi culturali
DIDACUS
03/07/2018
TABELLA DI GIOACCHINO
REPORTER
03/07/2018
TABELLA DI GIOACCHINO
REPORTER
10/01/2018
REPORTER
28/06/2018
VULIRI VULARI
REPORTER
21/05/2018
SIRITINA DI SDIGNU
REPORTER
27/06/2018
SIRINATA D`AMURI
DIDACUS
27/06/2018
SIRINATA D’AMURI