Ab Arcore, free focatica, no, Imuses…
There is neither happiness nor misery in the world; there is only the comparison
of one state with another, nothing more. He who has felt the deepest grief is best
able to experience supreme happiness. Alexandre Dumas
Quannu, Alia, davveru, valìa,
numero animarum et focorum,
picchì, pi’ testi, ha sempri, cuntatu;
tri, nni nnominu, gratia, exempli:
lu Prufissuri di Donna Nina,
lu plurilaureatu,Giallombardo,
e lu bieddu Maistru Macalusu,
ca diricci, Prufissuri, è diri, pocu...
Quannu, Alia, era, ‘na dàlia,
cu decimila, pétali, d’oru,
l’IMU, lu chiamavano, Focaticu
e fuochi, li casi, cuomu sinèddoche,
cu li Penati, nna li penetrali,
e nna li viòla e li finàiti,
idòla, sàtiri e spaventapàssari,
ca lu tiempu, cci fussi, di passàrisi,
pi’ storici locali ed archeòlogi…
E nuautri, papasuna, nn’assuppàvamu,
cuomu inchiostru, carta assorbenti,
li nostri, cari, anziani, affabulanti,
e, in primis, lu Maistru Macalusu,
ca lu passatu, lu facìa, presenti
e, di lu revocatu, facìa, vinu,
e parallelepìpedi e piràmidi,
cubi regolari e irregolari,
cu lu cartuni, fari, nni facìa…
Fuochi, furnacelli, furnu a ligna,
arbìtri, maiddi, peri di brasci,
nni li sunnàvamu puru la notti,
e circu e brascera, nna lu liettu,
chi, paura e fantàsimi, fugàvanu,
di menzannotti, a lu Patrinostru,
quannu Diu, tì dicìa, l’arba, vicina,
cu ll’arpa, duci, di la so’ campana…
E chista, era, la Arcore, nostra…
Didacus
