Early zucchini in the Cathedral
Vinni lu tiempu ca Patri Abbati,
Abbati di nomu, di fattu,arcipreti,
di almenu cincumila parrocchiani,
di San Giuseppi, a lu Rabbatieddu,
pari, a mienzu paisi di Lalia
nni la bedda omelia domenicali,
viriennu, fimmini, già, smanicati,
pi’ rispiettu, a Giugnu. Giugniettu…,
si tuttu ‘un gniettu, almenu li manichi!...,
Accuminciaru, li cucuzzi luonghi!,
senza malizia, omnia… mundis…,
frati Galdinu, zittutu fussi,
da la bonarma di Patri Cristòforu,
a lu curatu, cci vinìa di diri,
ca già, la suoru, in forma d’ostii,
nni la paredda, quarchi purmintìa cci la friìa,
in puro, extravergine, d’oliva,
a fuocu lientu, cu granni attenzioni,
picchì l’uogghiu, abbrusciari, ‘un s’avissi,
e di li purmintìi, a li tardìi,
la terapia avissi duratu,
di solstizziu, a solstizziu, di schittu,
ca ti passa o ti passa lu sfizziu…
Cucurbitaceae masculini flores
istìus, creaturae, hermaphroditae,
vistuti di pastetta, cci friìa…
Frutti di mari, cchiù chi di muntagna,
s’un fussi pi lu caciu, in abbunnanza,
e la menta, c’allenta l’amuri,
ca, quannu è troppu, si pò’ puru mòriri…
Didacus