LA SCUMPARSA DI LI LIRI
LA SCUMPARSA DI LI LIRI
Patri Danti sfacinnatu ora, spissu m’incueta,
e mi fa’ tu si pueta t’anticchiedda scanzunatu!
Ja ti vuagghiu suggeriri, aiutannuti nta’ la rima,
di parrari in anteprima di la scumparsa di li liri!
Nun ci ‘n’è di nuddu tagghiu, né di cincu né di cientu,
si nni truavi una a stiantu ci avi ad essiri unu sbagghiu!
Unni puottiru finiri stu munziaddu di muniti ?
Si li manciaru li tirmiti, l’orchi, li draghi, li vampiri ?
O pi casu li capidduna si nni ficiru cullani
pi adurnari li suttani di li donni di la luna ?
Si tu niesci di lu paisi cu na borsa di dinari
Nun ci bastanu pi fari li ‘chiu’ vasci e nichi spisi!
Tantu ha piersu di valuri la famusa nostra lira!
Ora lu populu cunfira chi si trovanu li curi!
Chistu è sintomu sicuru ca la miseria è a du passi
“ ntra aumenti,” mposti e tassi, jamu a sbattiri a lu muru.
Ti salutu puitastru mi fu pua lu granni vati, NINO TESTA “ Spiculiannu a Cefalu’ “
E spiramu ca evitati un sicuru gran disastru! L. Misuraca Editore
da una raccolta di Franca Di Pasquale
Inviacele al seguente indirizzo di posta elettronica : assarca2001@gmail.com
