CANZUNA DI SPARTENZA
MI NNI PARTU BEDDA STU CORI TI LASSU,
MI NNI VAIU CHIANCIANNU PI LA VIA.
JA CU LI LACRIMI MIA LI PETRI ATTASSU,
PIENZU CA M’HAIU A SPARTIRI DI TIA.
MA SI JA TUORNU, TI NNI DUGNU SPASSU;
SI NUNN’HAIU M’PIDUGGHI PI LA VIA.
MA SI T’ARRIVA LA NOVA CA TRAPASSU
BEDDA DIMMILLA TU N’AVIMARIA!
JA DI STU LUOCU NUN MI NNI VURRIA JIRI
VA’ LA VITA MIA SEMPRI CANTANNU,
L’UCCHIUZZI MI LA M’PARANU LA VIA,
JA MI NNI VAJU CHIANCIENNU E LACRIMANNU.
PIGGHIU LU CORI E TI LU LASSU A TIA
E CCHIU’ DI L’ORU TI L’ARRACCUMANNU!
FIGGHIUZZA LA LICENZA JA VURRIA
TU MI LA DUNI E JA TI L’ADDUMANNU.
JA MI NNI VAJU STU CORI TI LASSU,
CHIANCIANNU FAZZU LA SPARTENZA MIA,
PIENZU CA T’HAIU AMATU E ORA TI LASSU,
COMU UNNI PUOZZU CCHIU’ ARMUZZA MIA!
LU JUOVI PARTIRO’ PIACIANNU A DIU,
TUTTI L’AMICI MIA TI RACCUMANNU
E QUANNU ARRIVU N’TA’ DDI PARTI SCRIVU,
FAZZU NA LITTRICEDDA E TI LA MANNU.
da una raccolta di poesie di Franca Di Pasquale
Inviacele al seguente indirizzo di posta elettronica : assarca2001@gmail.com
