CAMPUSANTU
Si trasi a lu Campusantu, tuttu taci,
li stissi acieddi abbassanu la vuci !
E’ luocu di cuetu e di la paci
unni vi regna suvrana la Cruci !
Cà siamu tutti li stissi, d’un culuri,
nun c’è distinzioni ‘ntra li ceti,
quantu ci nn’avi lu mastru o lu dutturi,
la stissa quota a lu Re ci ‘nnì cumpeti !
Cà tituli e ricchizzi sunnu vani,
la carni torna crita n’autra vota .
Tutti li lussi e li miserii umani
cà dintra nun c’è nuddu chi li nota !
Ccà cessa ogni pinsieru, ogni duluri,
scumparinu li gioi e li malanni,
rimani sulamenti un granni amuri,
l’ amuri di ricordi nichi e granni !
NINO TESTA “ Spiculiannu a Cefalù “
L. Misuraca Editore
tratta da una raccolta di Franca Di Pasquale
Inviacele al seguente indirizzo di posta elettronica : assarca2001@gmail.com
